【蒂思綠新聞T.THREE NEWS/吳奕報導】

紅瓦配白壁，樸素的農村人家、有人犁田有人飼雞、有人塊做粿、狗仔搖尾，鴨仔戲水，豬公足大隻、蟲聲唧唧叫也有鳥隻唱歌給咱聽、有時嘛真大聲甲厝內的電視機有塊拼。

光艷艷的日頭照著駛牛車的田庄人、汗水直直流，影子斜斜的、雖然艱苦猶原愛堅持，一人一款命、路邊蔓生的雜草沒怨嘆，歡喜接起、牛車經過飛揚而起的塵土味。

路邊嘛有人哪搖扇仔哪甲厝邊塊開講、講故事講時事講人生甘哪是一齣戲、遠處陪襯的山嶺不時在變色彩、雲朵煞在天邊無聲駛目尾、順勢將天空布置嘎親像是後壁的菜園。

阮哪是出外去城市打拼、聽見風低聲說話，就會浮起故鄉的景致、雖然風過無影跡，阮煞親像看到風吹過田庄的、小路仔整排大榕樹的頭毛，吹皺了池塘、也掠過巡田水的人的斗笠和雨鞋。

啊，這農村的一切是一首難忘交響樂、阮一遍又一遍唱袂煩、擱將伊和阿母的叮嚀、用堅韌的布巾綁作伙、永遠放在心肝底。